“ကျွန်တော်တို့ဟာ တစ်ချိန်ကျရင် နွေဦးတော်လှန်ရေးသမိုင်းအကြောင်း မြေးမြစ်တွေကို ပြန်ပြောပြတဲ့အခါမှာ “ငါတို့တတွေဟာ ဘယ်လောက်ယုံကြည်ချက် ပြင်းထန်ခဲ့ကြောင်း၊ ဘယ်လောက်အထိ ခြေစုံရပ်မြှုပ်နှံခဲ့သူတွေဖြစ်ကြောင်း ဂုဏ်ယူစွာပြောပြနိုင်ဖို့ လိုပါတယ်။ ဒါကြောင့် ဒီသမိုင်းကြောင်းမှာ ကိုယ်တိုင် ပါဝင်ပတ်သက်ခဲ့သူတယောက်ဖြစ်ဖို့ PRF မှာ ထောက်ပို့တာဝန်ထမ်းဆောင်ပြီး အနာဂတ် ဖက်ဒရယ်ဒီမိုကရေစီ နိုင်ငံတော်သစ်အတွက် အတူတိုက်ပွဲဝင်ကြပါစို့။”

"ပြည်သူ့တော်လှန်ရေးထောက်ပို့တပ် - PRF အစီအစဉ်ဟာ တော်လှန်ရေးကို အောင်ပွဲရတဲ့အထိ ဆက်လက်ဆင်နွှဲဖို့အတွက် အင်မတန်အရေးကြီးတဲ့အစီအစဉ်ဖြစ်တယ်။ ဒီ PRF အစီအစဉ်ဟာ ထောက်ပို့ရဲဘော်တွေကို ကိုယ်ပိုင်နံပါတ်ထုတ်ပေးပြီးတော့ ထောက်ပို့ဆောင်ရွက်သူတွေဟာလည်း တော်လှန်ရေးရဲဘော်တွေပဲလို့ အသိအမှတ်ပြုပေးတဲ့ လုပ်ငန်းစဉ်တခု ဖြစ်ပါတယ်။"

“တော်လှန်ရေးကာလမှာ ရှေ့တန်းထွက်နိုင်ဖို့ PDF ရဲဘော် ၁ ယောက်အတွက် အနည်းဆုံး PRF ထောက်ပို့တပ်သား ၅ ယောက်လိုအပ်တယ်။ ဒါ့ကြောင့် ဒီတော်လှန်ရေးခရီးကြမ်းကို ပြည်သူနဲ့အတူ ရှေ့ဆက်သွားနိုင်ဖို့က အင်မတန်အရေးကြီးလှပါတယ်။ PRF ရဲဘော်များလည်း အာဏာရှင်စနစ်ချုပ်ငြိမ်းပြီး ဖက်ဒရယ်ဒီမိုကရေစီရရှိသည်အထိ PDF ရဲဘော်များရဲ့ နောက်ကျောဘက်ကနေ အတူတကွ ဆက်လက်တိုက်ပွဲဝင်ပေးကြပါ။”

“ပြည်သူလူထုအနေနဲ့ မိမိတို့တိမ်းညွှတ်တဲ့ ၊ သဒ္ဓါပေါက်တဲ့ စီမံကိန်းတွေမှာ ပူးပေါင်းပါဝင်ခြင်း ၊ PRF လို အစီအစဉ်တွေမှာ ထောက်ပို့ပါဝင်ခြင်းအားဖြင့် တော်လှန်ရေးရည်မှန်းချက်ပန်းတိုင်ရောက်ဖို့ အဓိကလိုအပ်နေတဲ့ ဘဏ္ဍာ​ရန်ပုံငွေဟာ ပုံစံအမျိုးမျိုး နည်းလမ်းအသွယ်သွယ်ကနေ စီးဝင်နေခဲ့မယ်ဆိုရင် ပန်းတိုင်ကို မလွဲမသွေဧကန်ရောက်ရှိမှာဖြစ်ပါတယ်။”