ထောက်ပို့တပ်သား စည်းရုံးရေးမှူး ကိုတေဇာဆန်း

နွေဦးတော်လှန်ရေးကို ဗျုဟာမြောက်ဆင်နွှဲရာမှာ အဓိကမဏ္ဏိုင်ကြီး ၂ ခု ရှိတဲ့ထဲက ခုခံတော်လှန်စစ်‌မဏ္ဏိုင်အတွက် အရေးကြီးတဲ့ ထောက်ပို့ကို ပြည်သူတစ်ရပ်လုံးက ရွေးချယ်ခွင့်မဟုတ်တဲ့ တာဝန်တစ်ရပ်အနေနဲ့ ခံယူကာ ထမ်းဆောင်ကြစို့။

ဒေါက်တာ တေဇာဆန်းသည် ဆရာဝန်၊ နိုင်ငံရေးသမားနှင့် ဒီမိုကရေစီအရေး တက်ကြွလှုပ်ရှားသူတစ်ဦး ဖြစ်ပြီး မြန်မာ့နွေဦးတော်လှန်ရေးတွင် ထင်ရှားသော ဆန္ဒပြခေါင်းဆောင်တစ်ဦး ဖြစ်ပါသည်။ ၂၀၂၁ ခုနှစ် ဖေ‌ဖော်ဝါရီလ ၁ ရက်နေ့တွင် အာဏာသိမ်းပြီးနောက် ရက်အနည်းငယ်အကြာတွင် အာဏာသိမ်းမှုကို ပထမဆုံး ဆန့်ကျင်ဆန္ဒပြမှုကို ဦးဆောင်ခဲ့သူလည်းဖြစ်ပါသည်။ ၂၀၂၁ ခုနှစ် ဧပြီ ၁၉ ရက်နေ့တွင် နိုင်ငံတော် အကြည်ညိုပျက်စေမှု ပုဒ်မ ၅၀၅(က)ဖြင့် အမှုဖွင့် တရားစွဲဆိုခံခဲ့ရပါသည်။ မန္တလေးမြို့မှာ အာဏာသိမ်းစစ်တပ်ကို လမ်းပေါ်ထွက်ပြီး ဆန္ဒပြဖို့ ဦးဆောင်ခဲ့တဲ့ ဒေါက်တာတေဇာစန်းဟာ သူ့ရဲ့ဇာတိ အညာဒေသ အပါအဝင် တော်လှန်ရေးအင်အားစုတွေ လှုပ်ရှားနယ်မြေတွေမှာ လက်ရှိအချိန်ထိ ကွင်းဆင်းလှုပ်ရှားများနှင့် လူထုတိုက်ပွဲလှုပ်ရှားမှုများ ကို ဆက်လက်ဖော်ဆောင်လျက်ရှိပါသည်။