ထောက်ပို့တပ်သား စည်းရုံးရေးမှူး ဒါရိုက်တာကိုပေါက်

ခင်ဗျားတို့(တချို့) တွေ မြို့ပေါ်မှာ ပုံစံမပျက် အေးအေးဆေးဆေးနေချင်သလို နေကြပါ။ ရပါတယ်။ ကျနော်တို့တွေ အရင်ကထက်ပိုပြီးကြိုးစားပါ့မယ်။ ဒါပေမယ့် PRF 2.0 ရဲ့ ထောက်ပို့ရဲဘော် တာဝန်တော့ ထမ်းဆောင်ပေးကြပါ။ ဒီနည်းလမ်းက ရွေးချယ်စရာ မဟုတ်ဘူး။ နိုင်ငံကောင်းကောင်းတစ်ခုကို တကယ်မျှော်လင့်တယ် ဆိုရင် မဖြစ်မနေ ထမ်းဆောင်ရမယ့် တာဝန်ဖြစ်တယ်။

ဒါရိုက်တာကိုပေါက်သည် အောင်မြင်သောရုပ်ရှင်သရုပ်ဆောင်ဒါရိုက်တာတစ်ယောက်ဖြစ်ပြီး အာဏာသိမ်းမှုဆန့်ကျင်ရေးများတွင် ဦးဆောင်ပါဝင်ခဲ့ပြီးနောက် စကစမှ ၁၇.၂.၂၀၂၁ တွင် ဖမ်းဝရမ်းထုတ်ခဲ့သဖြင့် နေအိမ်မပြန်နိုင်တော့ဘဲ ထွက်ပြေးခဲ့ရသည်။ နေထိုင်ရင်း "မသောက်မိသောမိုးခါးရေ၊ ရောင်နီလာရာလမ်း" မှတ်တမ်းရုပ်ရှင်များ ရိုက်ကူးပြီး ရန်ပုံငွေရှာကာတော်လှန်ရေးအတွက် ထောက်ပံ့‌ပေးခဲ့သည်။ ရန်ပုံ‌ငွေရှာဖွေသောပရောဂျက်များစွာ၊ စိတ်ဓာတ်စစ်ဆင်ရေးနှင့် စည်းရုံးရေး အစီအစဉ်များကို online ရော မြေပြင်မှာပါ လုပ်ဆောင်နေသူဖြစ်ပါသည်။